DİL VƏ DİLÇİLİK
1. DIL NƏDIR? Bir həqiqətdir ki, dilsiz, danışıqsız, ünsiy-yətsiz
cəmiyyət ola bilmədiyi kimi, cəmiyyət olmadan dil də ya-rana
bilməzdi. Dilin yaranması, inkişafı cəmiyyətin tarixi və
inki-şafı ilə bağlıdır. Dil fərdi hadisə deyil, yə'ni onu
bir nəfər yarat-ma-yıb. Dil ictimai hadisədir. Bu o deməkdir
ki, dili ayrı-ayrı adam-lar yox, cəmiyyət, insanların birliyi
yaradıb, formalaşdırıb və inkişaf etdirib.
Dil insanlar arasında qarşılıqlı anlaşma, ünsiyyət vasitəsidir.
Dilsiz, nitqsiz, danışıqmız insanlar bir-birilərini dərk
edə, an-laya bilməzlər.
İctimai hadisə olub insanlar arasında ünsiyyət yaradan dilin
yaranması, inkişafı, başqa elmlərlə əlaqəsi, özünəməxsus
qanun və qaydalarını öyrənən elmə dilçilik elmi deyilir.
2. YAZI. İnsanlar səsli dildən, şifahi danışıqdan istifadə
etməklə yalnız müəyyən məsafədə bir-biriləri ilə əlaqə saxlaya
bilirdilər. cəmiyyət inkişaf etdikcə ünsiyyətin digər forması-
yazı meydana gəldi. Yazı səsli dilin norma ilə qavrayışını
tə'min edən işarələr sistemidir. İnsanların səsin yetmədiyi
yerlərlə əlaqə yaratmaq, hətta özlərindən sonra gələcək
nəsillərlə ünsiyyət saxlamaq ehtiyacından yaratdıqları yazının
dörd növü var: Əşyavi yazı, şəkli yazı, fikri yazı və hərfi
yazı.
a) Əşyavi yazı. Bu, yazının ilk növü, ilk tipidir. İnsanlar
bir-birilərinə müxtəlif əşyalar göndərməklə fikir və düşüncələrini
bildirirdilər.
b) Şəkli (piktoqrafik) yazı. Əşyavi yazıdan sonra meydana
gəlib. Bu yazıda hansı əşyanı yazmaq nəzərdə tutulursa,
onun şəkli çəkilir.
c) Fikri (ideoqrafik) yazı. Şəkli yazıdan sonra meydana
gələn bu yazıda şəkil hər hansı bir anlayışı ifadə edir,
daha çox dü-şüncə ilə bağlı olur. Məs: Əgər şəkli yazıda
göz şəkli gözü, günəş şəkli günəşi əks etdirirsə, fikri
yazıda göz şəkli görmək, baxmaq, duymaq, günəş şəkli isə
işıq, aydınlıq, istilik və səadət anlayış-larını ifadə edir.
Şəkli və fikri yazı hərfi yazıya doğru əhəmiyyətli bir addım
hesab olunur.
ç) Hərfi yazı. Yazının ən mükəmməl forması hərfi (fonoqrafik)
yazıdır. Bu yazıda yalnız bütöv söz yox, həm də sözün ayrı-ayrı
səsləri ifadə olunur. İndiki halda hər bir hərf müəyyən
bir (bə'zən bir neçə) səsi ifadə edirsə, hərfi yazının meydana
gəldiyi ilk zamanlarda bir işarə, hərf bir neçə səsi ifadə
etmişdir. Belə yazıyı heca yazısı (sillabik yazı) deyilib
və qədim misirlilər, assuriyalılar bu yazıdan istifadə ediblər.
3. DILÇILIK. Dil ictimai hadisə, dilçilik isə elmdir. Dilçi-lik
elmi ictimai hadisə olan dili tədqiq edir, öyrənir.
Türk dünyasının ən qədim və böyük dilçisi Mahmud Kaşğari
(1029-1126) hesab olunur.
Türkologiyanın banisi hesab olunan M.Kaşğari «Divani lüğətit-türk»
(1072) əsəri ilə məşhurlaşıb. 10 ilə yazılmış və 9.000-dən
artıq söz və ifadə toplanmış bu əsər Məhəmməd peyğəmbərin
(s) aşağıdakı kəlamı ilə başlayır: «Türk dilini öyrənin,
onların uzun sürən hakimiyyəti vardır».
Türk xalqlarının tarixini, folklor və etnoqrafiyasının öyrənmək
üçün çox qiymətli mənbə olan bu lüğətin bu günə qədər gəlib
çatan yeganə əlyazması XIII əsrdə Azərbaycanda Məhəmməd
Əssari tərəfindən göçürülən nüsxədir. Bu nüsxə 1915-ci ildə
Türkiyədə tapılıb və orada çap olunub. M.Kaşğarinin lüğəti
Azər-baycan dilinə 30-cu illərdə tərcümə edilsə də, indiyə
kimi çap olunmayıb.
Dilçilik elminin əsas şö'bələri aşağıdakılardır: fonetika,
orfoqrafiya, orfoepiya, leksikologiya, söz yaradıcılığı,
qrammatika (qrammatika iki bölmədən ibarətdir: morfologiya,
sintaksis), etimologiya, lüğətçilik, dialektologiya, üslubiyyat
və s.
Qeyd: Dilçiliyin şö'bələri barədə irəlidə mə'lumat verildiyindən,
biz burada ancaq etimologiya, lüğətçilik və dialektologiya
barədə ümumi mə'lumat verməklə kifayətlənəcəyik.
4. ETIMOLOGIYA. Etimologiya sözü yunanca etimon (əsl, həqiqət,
sözün əsas mə'nası) və loqos (tə'lim, elm) hissə-lə-rindən
yaranıb. Dilçiliyin bu sahəsində sözün mənşəyi, nədən törəməsi,
əmələ gəlməsi öyrənilir.
Sözün əslini bərpa etmək, onun başqa söz və mə'nalarla əlaqəsini
öyrənmək üçün aparılan dilçilik araşdırmasına etimoloji
təhlil deyilir. Etimoloji təhlil vasitəsilə sözün ilkin
mə'naları aşkarlanır. Aşağıdakı nümunələrə diqqət edək.
Arsak – indiki Qarabağın qədim adıdır. Etimoloji təhlil
sü-but edir ki, bu yer adı (toponim) iki sözün – Ar və sak
birləşməsindən yaranıb. Sak qədim türk tayfalarından birinin
adı, Ar isə Ər – igid, cəngavər, qoçaq mə'nasındadır. Deməli,
Arsak igid, qəhrəman türk tayfası olan sakların yaşadığı
yer deməkdir.
Qarabağ – «Bağ» qədim türk tayfasıdır. «Qara» isə qədimdə
dilimizdə «böyük» mə'nasında işlənib.
Azərbaycan – Bu sözün etimologiyası gah Xəzər tafasının
adı, gah od, atəşlə bağlı şəkildə öyrənilib, araşdırılıb.
5. LÜĞƏTÇILIK. Dilçiliyin təcrübi sahələrindən biridir.
Lüğət-lərin tərtib olunma və yaranma prinsiplərini öyrənir.
Lüğət-lə-rin ya-radılması ilə məşğul olan adama, mütəxəssisə
lüğətçi (ümumi şəkildə lüğətçiliyə leksikoqrafiya, lüğətçiyə
leksikoqraf deyilir) deyilir.
Lüğətçilik türk dilçiliyinin qədim sahələrindən biridir.
Hələ XI əsrdə Mahmud Kaşğari «Divani lüğətit-türk» (türk
dillərinin divani toplusu) əsərini yaratmış, XIII-IV əsrlərdə
cəmaləddin ibn Mühənna, Ninduşah Naxçıvani, Hüsam Təbrizi,
XIX əsrdə Mirzə Məhəmmədəli Kazım bəy bu sahədə gərəkli
işlər görmüşlər. XX əsrin əvvəllərindən başlayaraq Sultan
Məcad Qənizadə, Üzeyir bəy Hacıbəyov, Qara bəy Qarabəyov,
Əli ağa Şıxlinski kimi şəxsiyyətlər bu sahə ilə ciddi məşğul
olmuşlar. 40-cı illərdə Heydər Hüseynovun rəhbərliyi ilə
«Rusca-Azərbaycanca lüğət», 1964-1987-ci illərdə isə Əliheydər
Orucovun rəhbərliyi, müəllifliyi və redaktəsi ilə «Azərbaycan
dilinin izahlı lüğəti» (4 cilddə) çap olunmuşdur. Lüğətlərin
ən əsas növləri aşağıdakılardır:
1. Tərcümə lüğətləri
2. İzahlı lüğətlər
3. Terminoloji lüğətlər
Lüğətlərdə sözlər əlifba sırası ilə ardıcıllıqla
düzülür.
6. DIALEKTOLOGIYA. Dialekt və şivəni öyrənən dilçilik sahəsi
dialektologiya adlanır.
Ədəbi dildə işlənən nitqdən başqa, müəyyən ərazilərlə bağlı
danışıq təzahürləri, müxtəlif regionlarda təsadüf olunan
məhəlli dil xüsusiyyətləri də mövcuddur ki, bunlara dialekt
və şivələr deyilir. Dialektologiya dialekt və şivələri öyrənir
Bədii əsərlərin dilində işlənən məhəlli əlamətli sözlərə
dialektizm deyilir.