MÜRƏKKƏB cÜMLƏ
1. İki və ya daha artıq cümlənin birləşməsindən ibarət olan
cümlələrə mürəkkəb cümlə deyilir.
Sadə cümlənin bir, mürəkkəb cümlənin isə iki və daha çox
qrammatik əsası olur. Məs: Göy guruldadı, şimşək çaxdı,
yağış yağmağa başladı.
Mürəkkəb cümlənin tərkib hissələrindən biri və ya hər ikisi
təktərkibli də ola bilər. Belə hallarda həmin tərkib hissədə
müb-tə-da axtarmağa ehtiyac yoxdur. Məs: Şad xəbər verdilər,
ananın ürəyi açıldı.
Bu cümlənin birinci tərəfi (Şad xəbər verdilər) qeyri-müəy-yən
şəxsli cümlə, ikincisi (Ananın ürəyi açıldı) şəxssiz cümlə
şək-lində qurulmuşdur. Ona görə də tərkib hissələrinin heç
birinin mübtədası yoxdur.
Mürəkkəb cümləni əmələ gətirən sadə cümlələr bir-biri ilə
sintaktik cəhətdən iki cür bağlanır: tabesizlik yolu ilə
və tabelilik yolu ilə. Bu cəhətdən mürəkkəb cümlələrin iki
növü var:
1) Tabesiz mürəkkəb cümlələr (bu cümlələr tabesizlik yolu
ilə yaranır)
2) Tabeli mürəkkəb cümlələr (bu cümlələr tabelilik yolu
ilə yaranır)
2. TABESİZ MÜRƏKKƏB cÜMLƏLƏR: Bərabərhüquq-lu sadə cümlələrin
birləşməsindən əmələ gələn mürəkkəb cümləyə tabesiz mürəkkəb
cümlə deyilir.
Tabesiz mürəkkəb cümləni əmələ gətirən sadə cümlələr bir-biri
ilə müxtəlif mə`na əlaqələrilə (zaman, ardıcıllıq, səbəb-nəticə,
aydınlaşdırma, qarşılaşdırma, bölüşdürmə əlaqəsi) bağlanır.
Bu əlaqələr həm tabesizlik bağlayıcıları, həm də intonasiya
ilə, bağ-layıcısız yaranır. Bu baxımdan tabesiz mürəkkəb
cümlələr iki qru-pa ayrılırlar: bağlayıcılı tabesiz mürəkkəb
cümlələr və bağ-layıcısız tabesiz mürəkkəb cümlələr.
3. BAĞLAYIcILI TABESİZ MÜRƏKKƏB cÜMLƏLƏR: Tabesiz mürəkkəb
cümlənin tərkib hissələrini əlaqələndirmək üçün aşağıdakı
bağlayıcılardan istifadə olunur:
1) Birləşdirmə bağlayıcısı: və; Məs: Qapı açıldı və Həsən
içəri girdi.
2) Qarşılaşdırma bağlayıcıları: amma, ancaq, lakin və s.
Məs: Gün çıxdı, ancaq yağış kəsmədi.
3) İştirak bağlayıcıları: həm, həm də (ki), hətta, da, də.
Məs: Hava birdən-birə soyudu, hətta yağış da yağdı.
4) İnkar bağlayıcıları: nə, nə də, nə də ki; Məs: Nə o bunu
dindirir, nə də o bunu danışdırır.
5) Bölüşdürmə bağlayıcıları: ya, ya da, gah, gah da, istər,
istərsə də və s; Məs: Gah gün çıxır, gah bulud olur, gah
da xəzri əsməyə başlayır.
6) Aydınlaşdırma bağlayıcıları: yə`ni, məsələn və s; Redaksiya
fəaliyyətdə idi, yə`ni qəzet vaxtında çıxırdı.
Qarşılaşdırma, iştirak, inkar və bölüşdürmə bağlayıcıları
ilə tabesiz mürəkkəb cümlənin tərəfləri bir-birinə bağlanıbsa,
həmin bağlayıcılardan əvvəl vergül qoyulur. Aydınlaşdırma
bağlayıcısı olan yə`ni(dən) əvvəl çox vaxt vergül, bə`zən
də nöqtəli vergül qoyulur.
4) TABESİZ MÜRƏKKƏB cƏMLƏLƏRDƏ MƏ`NA ƏLA-QƏLƏRİ. Tabesiz
mürəkkəb cümlənin tərkib hissələri arasında mə'na əlaqələri
həm bağlayıcıların iştirakı, həm də intonasiya ilə yaranır.
Bunlar aşağıdakılardır: Zaman əlaqəsi, ardıcıllıq əlaqəsi,
səbəb-nəticə əlaqəsi, aydınlaşdırma əlaqəsi, qarşılaşdırma
əlaqəsi, bölüşdürmə əlaqəsi.
1) Zaman əlaqəli tabesiz mürəkkəb cümlələr. Zaman əlaqəli
tabesiz mürəkkəb cümlələrin tərkib hissələrində eyni zamanda
baş verən hadisələr sadalanır. Məs: 1) Sənəmi görər-görməz
bü-tün məclis onu seyr etdi və hər kəs bir-birinə pıçıldaşmağa
baş-ladı. 2) Şəhərdə sakitlikdir, yollar təhlükəsizdir.
2) Ardıcıllıq əlaqəli tabesiz mürəkkəb cümlələr. Ardıcıllıq
əla-qəli tabesiz mürəkkəb cümlələrin tərkib həssələrində
müəyyən ardıcıllıqla baş verən hadisələr sadalanır. Məs:
1)Lampalar sön-dü, kino verilişi başlandı. 2) Dəhlizin qapısı
açıldı və otağa bir qız daxil oldu.
3) Səbəb-nəticə əlaqəli tabesiz mürəkkəb cümlələr. Səbəb-nəticə
əlaqəli tabesiz mürəkkəb cümlələrdə birinci tərkib hissədəki
iş səbəbi, ikinci tərkib hissədəki iş onun nəticəsini bildirir.
Məs: 1) Birdən motor susdu, çarxlar dayandı. 2) Günəş batdı
və göylər qaraldı.
Qeyd: Səbəb-nəticə əlaqəli tabesiz mürəkkəb cümlələrlə ardıcıllıq
əlaqəli tabesiz mürəkkəb cümlələr arasında bənzəyiş var.
Yadda saxlamaq lazımdır ki, səbəb-nəticə əlaqəli cümlələrdə
bir kortəbiilik olur, yə`ni birinci cümlədəki səbəbdən sonrakı
cümlədəki hadisə baş verir. Ardıcıllıq əlaqəli cümlələrdə
isə işin ardıcıl icrası öz ifadəsini tapır. Məs: 1) Arvad
diksindi və süd kasası əlindən yerə düşdü (səbəb-nəticə
əlaqəsi); 2) Günəş batdı, lampalar yandı (ardıcıllıq əlaqəsi).
4) Aydınlaşdırma əlaqəli tabesiz mürəkkəb cümlələr. Aydınlaş-dırma
əlaqəli tabesiz mürəkkəb cümlələrdə tərkib hissələrindən
biri o birinin ifadə etdiyi fikri aydınlaşdırır.
Aydınlaşdırma əlaqəli tabesiz mürəkkəb cümlələrin tərkib
hissələri əksərən intonasiya ilə bir-birinə bağlanır. Bə`zi
hallarda yə`ni aydınlaşdırma bağlayıcısından da istifadə
olunur. Aydınlaşdırma əlaqəli tabesiz mürəkkəb cümlələrin
tərkib hissələri intonasiya ilə bağlandıqda hissələr arasında
iki nöqtə və ya nöqtəli vergül, yə`ni bağlayıcısı ilə bağlandıqda
vergül qoyulur. Məs: 1) Əhmədin işi asan idi: idarələrə
məktub daşıyırdı. 2) Uzun qış axşamı idi; külək dəhşətli
bir sızıltı ilə əsirdi. 3) Səlim başını tərpətdi, yə`ni
o razı idi.
Qeyd: Aydınlaşdırma əlaqəli tabesiz mürəkkəb cümlələrinin
tərkib hissələri arasında o vaxt nöqtəli vergül işarəsi
qoyulur ki, cümlənin tərkib hissələrinin birində vergül
işarəsi olsun. Məs: Ələm qoruqdakı hündür ərik ağacına nəzər
saldı; budaqların çoxu puçurlamışdı, tumurcuqların burnu
ağarırdı.
5) Qarşılaşdırma əlaqəli tabesiz mürəkkəb cümlələr. Qarşılaşdırma
əlaqəli tabesiz mürəkkəb cümlələrin tərkib hissələrindəki
iş və ya hadisələr bir-biri ilə qarşılaşdırılır.
Qarşılaşdırma əlaqəli tabesiz mürəkkəb cümlənin tərkib his-sələri
intonasiya, qarşılaşdırma bağlayıcıları (amma, ancaq, lakin)
və antonim sözlərin köməyi ilə əlaqələnir. Məs: 1) Mən çox
dedim, o az eşitdi. 2) Aslan kişi getmək istədi, ancaq İsa
kişi qoy-ma-dı. 3) Hadisənin nə yerdə olduğunu Kərəm başa
düşmüşdü, İl-yas isə heç nə anlamırdı.4) Çiçək var, amma
aparmaq öz əlindədir.
Qeyd: Amma, ancaq, lakin bağlayıcıları ilə yanaşı, yeri
gəldikdə isə bağlayıcısından da istifadə olunur. Məs: Mən
şofer olub maşın sürürəm, sən isə bədnəzərdən qorxursan.
6) Bölüşdürmə əlaqəli tabesiz mürəkkəb cümlələr. Bölüşdür-mə
əlaqəli tabesiz mürəkkəb cümlələrdə tərkib hissələrindəki
iş və ya hadisələr ya növbə ilə bir-birini əvəz edir, yaxud
da iki və ya daha artıq işdən yalnız birinin mümkünlüyü
ifadə olunur. Belə tabesiz mürəkkəb cümlələr bölüşdürmə
bağlayıcılarının köməyi ilə yaranır. Məs: 1) Gah güclü yağış
yağır, gah da külək əsirdi. 2) Ya uşaqlar kəndə gələcək,
ya da mən onları görmək üçün şəhərə gedəcəyəm. 3) Ya vətən
torpağı tam azad olunacaq, ya da biz hamımız bu yolda qurban
gedəcəyik.
Qeyd: Amma, ancaq, lakin bağlayıcıları işlənmiş tabesiz
mürəkkəb cümlələrdə qarşılaşdırma, və, həm, həm də, nə,
nə də, da, də bağlayıcıları işlənmiş cümlələrdə zaman, ardıcıllıq
və səbəb-nəticə əlaqəsi, yə'ni bağlayıcısı işlənmiş cümlələrdə
aydınlaşdırma əlaqəsi, ya, ya da, gah, gah da bağlayıcıları
işlənmiş cümlələrdə isə bölüşdürmə əlaqəsi olur
5. BAĞLAYIcISIZ TABESİZ MÜRƏKKƏB cÜMLƏLƏR. Bağlayıcılı tabesiz
mürəkkəb cümlələrdən fərqli olaraq, bağ-layıcısız tabesiz
mürəkkəb cümlələrin tərkib hissələri arasında mə`na əlaqələri
sadə cümlələrin məzmunundan və intonasiyadan asılı olur.
Məs: 1) Sərin külək əsdi, mağara bir sərinlik doldu. 2)
Əhməd çıxış etmək istədi, Qulu imkan vermədi.
Birinci cümlədə səbəb-nəticə, ikinci cümlədə qarşılaşdırma
əlaqəsi var.
İntonasiya ilə qurulan tabesiz mürəkkəb cümlələrdə mü-rək-kəb
cümləni təşkil edən sadə cümlələr arasında vergül qoyulur.
Məs: İldırım çaxdı, göy gürüldadı, yağış yağmağa başladı.
Belə hallarda sonuncu tərkib hissələr arasında və bağlaycısı
da işlənə bilər.