SADƏ cÜMLƏNİN NÖVLƏRİ
Baş üzvlərin iştirakına görə sadə cümlənin
iki növü var: 1) cüttərkibli cümlələr; 2) təktərkibli cümlələr.
1. cÜTTƏRKİBLİ cÜMLƏLƏR. cümlənin qrammatik əsa-sı – mübtəda
və xəbər cümlənin iki qütbünü təşkil edir və əsas fikir
bu üzvlərin vasitəsi ilə ifadəsini tapır. cümlələriimzin
böyük əksəriyyətini hər iki baş üzvün iştirakı ilə qurulan
cümlələr təşkil edir. Məs: Səhər açıldı. Uşaq qorxudan əsirdi
və s.
Hər iki baş üzvün iştirakı ilə qurulan sadə cümlələrə cüttərkibli
cümlələr deyilir. Məs: Zəng çalındı. Evin qapısı şiddətlə
dö-yüldü.
Mübtədası mən, sən, biz, siz sözlərindən ibarət olan cümlələrdə
bəzən həmin əvəzlik – mübtədalar buraxılır. Belə cümlələr
də cüttərkibli hesab olunur, çünki onların mübtədasını xəbərdəki
şəxs şəkilçisinə əsasən bərpa etmək olur. Məs: Dünən toya
getmişdik – Biz dünən toya getmişdik və s.
İkinci dərəcəli üzvlərin (tamamlıq, tə'yin, zərflik) iştirakına
görə cüttərkibli cümləlr iki yerə ayrılır.
a) Müxtəsər cümlələr. İkinci dərəcəli üzvlərin iştirak etmədiyi
cümlələr müxtəsər cümlələr adlanır. Müxtəsər cümlələrdə
yal-nız mübtəda və xəbər (baş üzvlər) olur. Məs: Külək əsir.
Yağış yağırdı.
b) Geniş cümlələr. Baş üzvlərlə bərabər ikinci dərəcəli
üzvlərin də iştirak etdiyi cüttərkibli cümlələrə geniş cümlələr
deyilir. Məs: Hava birdən-birə qaraldı. Murad qırmızı almaları
zorla mənə verdi.
2. TƏKTƏRKİBLİ cÜMLƏLƏR. Baş üzvlərdən biri əsasında qurulan
sadə cümlələrə təktərkibli cümlələr deyilir. Təktərkibli
cümlələr iki növə ayrılır: 1) Xəbər əsasında formalaşanlar;
2) Mübtəda əsasında formalaşanlar.
cüttərkibli cümlələr kimi, təktərkibli cümlələr də müxtəsər
və geniş olur.
1) Xəbər əsasında formalaşan təktərkibli cümlələr. Xəbər
əsasında, yə'ni mübtədanın iştirakı olmadan formalaşan təktərkibli
cümlələr aşağıdakılardır:
a) Şəxssiz cümlə. Qrammatikada şəxs dedikdə mübtəda nəzərdə
tutulur.
Mübtədası olmayan və onun təsəvvür edilməsi qeyri-müm-kün
olan təktərkibli cümlələrə şəxssiz deyilir. Şəxssiz cümlələrin
xəbəri həmişə III (üçüncü) şəxsin təkində olur. Məs: Səhərdir.
(müxtəsər cümlə). Əsmərə Qulunun yazığı gəldi. (geniş cümlə).
Məktublara diqqətlə baxıldı.
Şəxssiz cümlələrin xəbəri həm nitq hissələri, həm də fe'li
fra-zeoloji vahidlərlə ifadə olunur. Məs: Səssizlikdir.
Nərimanın həyəcandan rəngi qaçmışdı.
b) Qeyri-müəyyən şəxsli cümlə. Hərəkət və ya hökmün qeyri-müəyyən
şəxsə aid olduğunu bildirən təktərkibli cümlələrə qey-ri-müəyyən
şəxsli cümlə deyilir. Məs: Bizi hərbi hissəyə gətirdilər.
Qeyri-müəyyən şəxsli cümlələrin bir qismində elə bil, elə
bil ki, sanki, deyəsən, guya ki və s. sözlər işlənir və
belə cümlələrdə icraçı qeyri-müəyyən deyil, qeyri-real olur.
Məs: Sanki (elə bil, deyəsən və s.), Qəmərin başına bir
vedrə qaynar su tökdülər.
Qeyri-müəyyən şəxsli cümlələrin xəbəri III (üçüncü) şəxsin
cəmində olur.
Xəbərdəki şəxs şəkilçisinə əsasən, qeyri-müəyyən şəxsli
cüm-lələrdə mübtəda kimi onlar sözünü artırmaq olar, lakin
konkret mə'na ifadə edə bilmədiyindən həmin sözün artırılması
düz-gün deyil. Məs: Onu nahaq yerə gözdən salıblar – Onlar
onu nahaq yerə gözdən salıblar və s.
c) Ümumi şəxsli cümlə. Hərəkət və ya hökmün eyni zaman-da
hamıya aid olduğunu bildirən təktərkibli cümlələrə ümumi
şəx-sli cümlə deyilir. Məs: Palaza bürün, elinən sürün.
Əvvəl dü-şün, sonra danış.
Bu cümlələrin xəbəri II şəxsin təkində olsa da, iş, hadisə,
hökm təkcə II şəxsə deyil, hamıya – hər üç şəxsin təkinə,
həm də cəminə aiddir.
Ümumi şəxsli cümlələrin xəbəri III şəxsin cəmində olan qeyri-müəyyən
şəxsli cümlələrdən fərqli olaraq bu cümlələrdə işin icrası
bir və ya bir qrup qeyri-müəyyən şəxsə deyil, hamıya, bütün
şəxslərə aid olur. Məs: Onu e'zamiyyətə göndərdilər (qeyri-müəyyən
şəxsli cümlə). Pilləkanı pillə-pillə qalxarlar (ümumi şəxsli
cümlə) və s.
Ümumi şəxsli cümlələr ümumiləşmiş mə'nalar ifadə edir. Ona
görə də belə cümlələr əksərən atalar sözləri və məsəllərdən,
hikmətli sözlərdən ibarət olur. Məs: Əvvəl arxı tullan,
sonra bərəkalla de. İşləməyənə tənbəl deyərlər və s.
Qeyd: Təktərkibli cümlələr də cüttərkibli cümlələr kimi
təhlil olunur. Ancaq əvvəlcə onun mübtəda və ya xəbər əsasında
əmələ gələn təktərtibli cümlə olduğunu qeyd etmək lazımdır.
2. MÜBTƏDA ƏSASINDA FORMALAŞAN TƏKTƏR-KI-BLI CÜMLƏLƏR. Adlıq
cümlə mübtəda əsasında formalaşan təktərkibli cümlədir.
Əşyanın, hadisənin adını çəkməklə onun mövcudluğu haqqında
mə'lumat verən təktərkibli cümlələrə adlıq cümlə deyilir.
Məs: Qışın ortaları… Axşam… Yenə həmin yer… və s.
Adlıq cümlələr vasitəsilə hər hansı bir hadisənin danışılan
vaxtda mövcud olduğu bildirilir, lakin həmin hadisə haqqında
əlavə mə'lumat və ya hökm verilmir.
Adlıq cümlələrdə baş üzv (mübtəda) isimlə, ismi birləşmələrlə
ifadə olunur.
Adlıq cümlələr də müxtəsər və ya geniş olur. Məs: cəbhə
bo-yu. Çöl. Sükut (müxtəsər). Dağın ətəyində gözəl bir ev.
Ön tərəfdə bir hovuz (geniş).
3. BÜTÖV VƏ YARIMÇIQ cÜMLƏLƏR. Bütöv cümlələrdə fikrin ifadəsi
üçün lazım olan bütün üzvlər iştirak edir. Məs: Zavodun
direktoru iclasa gecikmişdi. Atlar yəhərlənmişdi.
Dilimizdə elə cümlələr də var ki, onların bir və ya bir
neçə üzvü buraxılmış olur. Məs: Bişirdiyin nədir? – Düyü.
– Nə istəyirsən xala? – Oğlumu və s.
Bu tipli cümlələr yarımçıq cümlə adlanır.
Bir və ya bir neçə üzvü buraxılan, lakin asanlıqla bərpa
edilən cümlələrə yarımçıq cümlələr deyilir.
Yarımçıq cümlələrdə buraxılmış üzvləri (həm baş üzvlər,
həm də ikinci dərəcəli üzvlər buraxıla bilər) əvvəlki cümlələrin
köməyi ilə asanlıqla bərpa etmək olar. Məs: Bu oğlan kimdir?
– Mənim dostumdur. Bunu kim deyir? – Mən.
Misal göstərilən cümlələri aşağıdakı şəkildə asanlıqla bərpa
etmək olar. Bu oğlan mənim dostumdur. Bunu mən deyirəm.
Yarımçıq cümlələrdən daha çox dialoqlarda istifadə olunur.
Qeyd: Yarımçıq cümlələr də bütöv (cüttərkibli və təktərkib-li)
cümlələr kimi təhlil edilir. Bütöv cümlələrdən fərqli olaraq,
be-lə cümlənin yarımçıq olduğunu və məhz hansı üzvlərin
buraxıldığını göstərmək lazımdır.