HƏMcİNS ÜZVLÜ cÜMLƏLƏR
1. HƏMCINS ÜZVLƏR HAQQINDA MƏ'LUMAT. Eyni
üzvlə bağlı olub, eyni suala cavab verən bərabərhüquqlu
üzvlərə həmcins üzvlər deyilir. cümlənin bütün üzvləri həmcins
ola bilər. Məs: 1. Əli, Məmməd və Həsən dərsdən gəldilər.
(kim? -mübtəda) 2. Uşaqlar gülür, danışır, oynayırdılar
(nə edirdilər? - xəbər) 3. Rza qardaşına, bacısına və bacısı
qızına hədiyyə almışdı (kimə? - tamamlıq) 4. Gələn elçi
ucaboy, enlikürək, yaraşıqlı bir adam idi (necə? – tə'yin)
5. Qulu tələsə-tələsə, tövşüyə-tövşüyə içəri girdi (necə?
- zərflik)
Və, ilə bağlayıcıları ilə bağlanan həmcins üzvlərdən başqa,
digər həmcins üzvlər arasında vergül qoyulur.
Qeyd: 1. Tə'yinlər həm həmcins, həm də həmcins olmaya bilir.
a) Sadalanma intonasiyası ilə tələffüz edildikdə və hər
biri bir başa tə'yinlənən üzvə aid olduqda həmcins olur.
Məs: Rauf qara, qırmızı, yaşıl qələmləri mənə verdi.
b) Az-çox biri digərinə aid olan və sadalanma intonasiyası
ilə tələffüz edilməyən tə'yinlər həmcins ola bilmir. Məs:
Yaşıl eynəkli adam çıxıb getdi.
2. Emosionallıq, ifadəlilik məqsədilə təkrar edilən sözlər
həmcins sayılmır. Məs: Gülün, gülün, uşaqlar!
2. HƏMCINS ÜZVLƏR ARASINDA BAĞLAYICILAR. Həmcins üzvlər
tabesizlik bağlayıcıları ilə əlaqələnir. Həmcins üzvləri
əlaqələndirən tabesizlik bağlayıcıları mə'naca beş qrupa
bölünür:
1) Birləşdirmə bağlayıcıları: və, ilə (-la, -lə). Məs: Rza
və (ilə) Qafar getdilər. (İlə bağlayıcısını ilə qoşması
ilə qarışdırmaq olmaz. «İlə» bağlayıcı kimi işləndikdə «və»
bağlayıcısı ilə əvəz oluna bilir).
2) Bölüşdürmə bağlayıcıları: ya, ya da, və ya, yaxud da,
gah, gah da. Məs: Səməd müalicə olunmaq üçün ya Kiyevə,
ya da Moskvaya getməlidir. Gah yağış, gah da qar yağırdı.
3) İştirak bağlayıcıları: həm, həm də (ki), hətta, da, də.
Məs: Aşıq həm çalır, həm oxuyur, həm də oynayır. Qasım da,
Mirzə də, Hacı da məktəblidir.
4) İnkar bağlayıcıları: nə, nə də (ki). Məs: Həsən bəy nə
inadından əl götürmür, nə də istəyinə çata bilirdi.
5) Qarşılaşdırma bağlayıcıları: amma, ancaq, lakin. Məs:
Göyərçin dinmək istədi, amma udqunub dayandı.
Yadda saxlamaq lazımdır:
- Həmcins üzvləri bağlayan amma, ancaq, lakin bağlayıcılarından
əvvəl vergül qoyulur. Məs: Güllə atıldı, ancaq quşa dəymədi.
- Həm, həm də, nə, nə də, ya, ya da, gah, gah da bağlayıcıları
ilə bağlanan həmcins üzvlərdə təkrar olunan bağlayıcılardan
əvvəl vergül qoyulur. Məs: Yağış gah yağır, gah da kəsirdi.
- Da (də) bağlayıcısının təkrarlanması ilə bağlanan həmcins
üzvlərdə həmin bağlayıcıların əvvəlincisindən (və ya əvvəlincilərindən)
sonra vergül qoyulur. Məs: Atam da, anam da, dayım da Bakıya
getdilər.
Qeyd: cümlədə həmcins xəbər yerində işlənən yox, deyil sözlərindən
sonra da vergül qoyulur. Məs: Bina məktəb üçün deyil, klub
üçün tikilmişdir.
3. HƏMCINS ÜZVLƏRDƏ ÜMUMILƏŞDIRICI SÖZ-LƏR. Həmcins üzvlərin
hamısına aid olan və onları ümumiləşdirən cümlə üzvünə (sözə)
ümumiləşdirici söz deyilir. Ümumiləşdirici sözlər həmcins
üzvlərdən həm əvvəl, həm də sonra işlənə bilərlər: Məs:
İçəridəkilər: müəllim və şagirdlər çaşıb qaldılar. Tarlalarda,
meşələrdə, zəmilərdə – hər tərəfdə bir sükut hökm sürürdü.
Ümumiləşdirici sözlər həmcins üzvlərdən əvvəl gələndə ondan
sonra iki nöqtə, sonra gələrsə ondan əvvəl tire işarəsi
qoyulur. (Yuxarıdakı misallara diqqət etməli. Birinci cümlədə
«içəridəkilər» (mübtəda), ikinci cümlədə isə «hər tərəfdə»
(yer zərfliyi) sözləri ümumiləşdirici sözlərdir).
Qeyd: 1. Bə'zən ümumiləşdirici sözlərdən sonra «yə'ni»,
«mə-sələn» sözləri işlədilir. Bu zaman həmin sözlərdən sonra
iki nöqtə, ümumiləşdirici sözlərdən sonra vergül qoyulur.
Məs: Bütün şagirdlər, yə'ni: həm oğlanlar, həm də qızlar
dərsə hazır idilər.
2. Bə'zən həmcins üzvlərdən sonra ümumiləşdirici sözdən
əvvəl «bir sözlə» tipli yekunlaşdırıcı sözlər işlənir. Belə
hallarda həmcins üzvlərdən sonra tire, belə sözlərdən sonra
vergül qoyulur. Məs: Ordu, qaçqınlar, əsirlər – bir sözlə,
aləm bir-birinə qarışıb.
4. HƏMCINS ÜZVLƏRDƏ ŞƏKILÇILƏRIN VƏ HIS-SƏ-CIKLƏRIN IXTISARI.
İxtisarlar aşağıdakı kimidir:
1. Sonuncusunda saxlanılmaqla, həmcins mübtədaların cəm
şəkilçisi ixtisar olunur. Məs: Bu gün müəllim, tələbə və
aspirantlar iməcliyə toplaşmışdılar.
2. Sonuncusunda saxlanılmaqla, həmcins tamamlıqlarda hal
şəkilçisi ixtisar olunur. Məs: Rasim Rəşad, cəmilə və Rəşidi
gəzməyə aparmışdı.
3. Sonuncu saxlanılmaqla, həmcins xəbərlərdə şəxs şəkilçiləri
ixtisar olunur. Məs: Körpələr gülür, danışır, oynayırlar.
4. Həmcins xəbərlər tək olarsa, «idi», «imiş» hissəcikləri,
cəm olarsa, hissəcik və şəkilçi ixtisar olunur. Məs: Samir
oxuyur, yazır və şəkil çəkirdi. Həkimlər tələsir, ora-bura
qaçır, xəstəni vəziyyətdən çıxarmaq istəyirdilər.
5. Sonuncusunda saxlanılmaqla, həmcins üzvlərdən sonra gələn
ilə (-la, -lə) qoşması ixtisar olunur. Məs: Həsən Qulu,
Orxan və Şaiqlə kitabxanaya getdi.
5. XƏBƏRIN HƏMCINS MÜBTƏDALARLA UZLAŞ-MA-SI. Həmcins müb-tə-dalar
həm şəxs əvəzlikləri, həm də isimlərlə ifadə oluna bilir.
Be-lə cümlələrdə xəbərin onlarla uzlaşması aşağıdakı qaydada
olur:
1. Müxtəlif şəxslərdə olan həmcins mübtədalardan biri I
şəxsdə olanda xəbər I şəxsin cəmində olur. Məs: Biz, siz
və onlar bir dərddəyik.
2. Həmcins mübtədalar II və III şəxsdə olarsa, xəbər II
şəxsin cəmində olur. Məs: Sən və Asif rayona getməlisiniz.
3. Həmcins mübtədalar üçüncü şəxsdə olan sözlərlə (əvəzlik
və isimlərlə) ifadə edildikdə xəbər də III şəxsdə olur.
Məs: Sona, Samirə və Roza dərsdən qaçdılar.
Qeyd: Həmcins üzvlü cümlələr də sadə cümlələr kimi təhlil
olunur. Təhlil zamanı hansı üzvlərin həmcins olduğunu, hansı
vasitələrlə əlaqələndiyini, ümumiləşdirici sözün olub-olmadığını
və s. göstərmək lazımdır.
6. SADƏ CÜMLƏDƏ SÖZLƏRIN SIRASI VƏ MƏNTI-QI VURĞU: Müxtəsər
cümlələrdə əvvəl mübtəda, sonra xəbər gəlir. Məs: Qapı açıldı.
Geniş cümlələrdə isə sözlərin sırası əsasən aşağıdakı kimidir:
Mübtəda əvvəldə, xəbər sonda, tə'yin həm mübtədadan əvvəl,
həm də sonda gələ bilər. Tamamlıqlar mübtədadan sonra, xə--bərdən
əvvəl, zərflik isə çox vaxt xəbərin yanında, ondan əvvəl
işlənir.
Məqsəddən asılı olaraq, cümlə üzvlərinin sırası dəyişə bilər
və göstərilənlər məcburi deyil. Misallara diqqət etməli:
1) O, əlcəyi və corabı həkimin qabağına qoydu. 2) Yüklü
dəvələr karvansaranının qabağında dayandı. 3) Bizə oyunu
udmaq lazımdır.
cümlədə müəyyən sözün başqalarına nisbətən qüvvətli tələffüzünə
məntiqi vurğu deyilir. Məntiqi vurğu fikri söyləyənin şəxsi
münasibətlərindən daha çox asılı olur. Məs: Sənin atan kən-də
gedir? Sənin atan kəndə gedir? Sənin atan kəndə gedir? Sənin
atan kəndə gedir?