İntizar sardı məni,
vüsal məndən gen düşdü,
Həsrət yağdı
ömrümə, bir deyil ki, min düşdü.
Saçıma dən düşməmiş,
ürəyimə dən düşdü
"Tanış olaq, oxucum,
tanış olaq: Bu mənəm".
Ömür seçə birmədim,
ulduzdum hər seçimdə
Həmrətim dağdan ağır,
dərdim dünya biçimdə.
Bəlkə də sarvan mənəm
dünyanın qəm köçündə
"Tanış olaq, oxucum,
tanış olaq: Bu mənəm".
Qalan bircə paramdı, itirmişəm
yarımı
İtirmişəm yurdumu,
itirmişəm yarımı.
Sarıyan tapılmadı Vətən
adlı yaramı -
"Tanış olaq, oxucum,
tanış olaq: Bu mənəm".
Çox gözlədim, doğsun
dan - bir sabahım açılsın,
Çox gözlədim, bu dünya
mənə də bir acısın.
Çox çəkməmişəm
sevginin, məhəbbətin acısın
"Tanış olaq, oxucum,
tanış olaq: Bu mənəm".
Köçmüşəm
sözlərimə, ömrüm sözün
içində,
Qalmayıbdı bir azca təpər,
dözüm içimdə.
Bir qıza ürək verdim,
qoydu hüzn içində
"Tanış olaq, oxucum,
tanış olaq: Bu mənəm".
Çox söylədim, kimsələr
elin başına bəla,
Əlimdə kağız,
qələm - əlim başıma bəla.
Dilimi dinc qoymadım, dilim başıma
bəla
"Tanış olaq, oxucum,
tanış olaq: Bu mənəm".
Çiynimdə həsrət
yükü, boğub hicran, qəm, qəhər,
Bu həsrətin yükünə
dözəcəyəm birtəhər.
Ələmdar Cabbarlıyam,
yurdum-yuvam - Kəlbəcər,
"Tanış olaq, oxucum,
tanış olaq: Bu mənəm".
25.01.2000.