Axısqa türklərinin
dilinin cümlə sintaksisində danışıq
dilinin təsiri daha çox hiss edilir. Bu təsir
bədii əsərlərin dilinə
də sirayət etmişdir. cümlədə
«ilə» qoşmasının yerinə
«nan», «nən» ünsürünün
işlədilməsi adi haldır; Yolumuz
dəmür yolunun kənəriynən
uzanan meşa zolağının arasından
keçiyerdi (G.Şahin); Əsgər də
avtomatın qundağiynan onun başını
yardi (Ş.Adıgünli); Padişah vəziriynən
seyrə çıxmış, gəziyerdi
(»Padşah və vəziri» nağılından);
Allah fursant versa, onların yardıminan Vətən
torpağıni ziyarət etmax üçün
səfərə çıxacağım
(G.Şahin); Əhalisi yüz bindən yoxari
olan bu xalq başqa millətlərinən
arxa-arxaya verib çalışiyerdilər
(Ş.Adıgünli).
Belə cümlə
formalarına Azərbaycan dilinin dialektlərində
rast gəlmək olur.
cümlədə
-ıb feli bağlama şəkilçisinin
yerinə da ədatının işlənməsi.
Bu xüsusiyyət də Axısqa türklərinin
dilinin cümlə sintaksisində yeni görünür.
Nümunələrə diqqət yetirək:
Etmə bizi qürbətlərdə padişah,\\
Vətənimdə torba tax da (taxıb)
diləndur (İlyas İdrisov); Zurnaçi
zurnasıni vaqonun nəfəsluğundan
çıxardı da (çıxarıb)
vətən dağlarına doğri səsləndüriyerdi
(Ş.Adıgünli); Çocuxlar da onlara
qoşuldu da (qoşulub) dad-fəryad qopariyerdilər
(Ş.Adıgünli).
«Kitabi-Dədə
Qorqud»un dilində bu tipli cümlələrə
rast gəlmək olur: - Ağ meydanın
ortasında baxdı turdı (baxıb durdu);
Buğa dəxi oğlana sürdü gəldi
(sürüb gəldi) [38, s. 36].
Prof. Kamal Abdullayev bu tip
cümlələri köhnə cümlə
formaları hesab edir. «Kitabi-Dədə
Qorqud»un dilindən gətirdiyi «Rəsul
Əleyhüssəlam dövrünə yaxın
Bayat boyundan Qorqud Ata derlər (deyilən) bir
ər qopdu» cümləsinə istinad
edərək həmin növ cümlələrin
formal baxımdan iki predikativ nöqtəsinin
mövcud olduğunu göstərir, bir nöqtə
«derlər» elementi ilə ifadə
olunur, o biri nöqtə «qopdu» elementi
ilə. Buna baxmayaraq, cümlənin quruluşunu
bütövlükdə mürəkkəb
cümlə kimi müəyyənləşdirmək
mümkün deyil, çünki buradakı
predikativ elementlərdən biri olan «derlər»
orta mərhələyə xas səciyyə
kimi digər predikativ element olan «qopdu»dan
zəifdir, onların predikativlik dərəcəsi
eyni deyil. «Derlər» elementi cümlədə
kvazipredikativ element kimi çıxış
edir. Beləliklə, ilkin mərhələnin
məhsulu kimi cümlənin quruluşunda
iki predikativ nöqtə mövcuddur, bunlardan
birini tam predikativ nöqtə kimi, o birini kvazipredikativ
nöqtə kimi səciyyələndirmək
mümkündür. Kvazipredikativliyin yaranmasının
səbəblərindən ən başlıcası
uyğunsuzluqdur. Elementin strukturunun, formasının
onun funksiyasına, cümlə daxilindəki
mövqeyinə, vəzifəsinə uyğunsuzluğu
üzündən burada predikativlikdən kvazipredikativliyə
keçidin şahidi oluruq [2, s. 15].
Geniş müşahidə
edilən sintaktik hadisələrdən
biri inversiyadır. Bu dildə də cümlə
üzvləri nitqdə kontekstdən, kommunikasiyadan
və ekspressiv ifadə funksiyasından asılı
olaraq yerlərini dəyişir. Aktuallıqla
bağlı olaraq əksinə sıra
- inversiya meydana çıxır. Məsələn:
Soradan ardi-arasi kəsilmişdi bu məktüblərin.
Bir qız Adıgünnən gəlin köçiyer
Qule kövünə. Uğuldaşiyerdi
maşinlər, uliyerdi itlər, səs-səsə
vermişdi tavux-çuçullar, mələşiyerdi
uzun-uzadi mal-qara. Gediyerux meşaya! Yillar keçdi
savux-savux (G.Şahin).
cümlədə
mübtəda və xəbərin sırası.
Bu əhalinin dilində də sadə cümlədə
mübtədanın və xəbərin
yeri iki cür olur:
3. Normal sıra: Mübtəda
c xəbər sırası: Onlar da yatiyerlər
(İ.Şahzadə oğli); Qız səpətə
meyvə yığar (cabir Xalidov).
4. Qeyri-normal sıra;
xəbər c mübtəda sırası:
Bitmədi Fələgin ayrilux qəmi (Məhəmməd
Paşali oğli); Tükənməzdi
gəlib-gedan qonaği (G.Şahin); Vətəndədür
hər insanın həyat adli nuri oğul!
(G.Şahin); Sicağ idi Vətən torpaği
(G.Şahin).
cümlədə
tamamlığın yeri. Tamamlığın
sıralanmasında diqqəti cəlb edən
cəhət odur ki, qeyri-müəyyən
vasitəsiz tamamlıqların sırası
son dərəcə sabit, müəyyən
vasitəsiz tamamlıqların, eləcə
də vasitəli tamamlıqların sırası
bir qədər sərbəstdir [1, s. 228].
Axısqa türklərinin
dilinin cümlə sintaksisində tamamlıqlar
xəbərdən əvvəl və
sonra gələ bilir. İki cür sıra
meydana çıxır:
5. Normal sıra; tamamlıq
c xəbər sırası: Qapiləri
möhürləmişdi. Maşinə
yüksəlsinlər (Ş.Adıgünli).
6. Qeyri-normal sıra;
xəbər c tamamlıq sırası:
Tez süpürdüm yolları. Sürgün
ediyerlər bizi (Nurəddin Sasiyev).
cümlədə
zərfliklərin yeri
7. Normal sıra; zərflik
c xəbər sırası: Meşaya
gediyerux. Gürcüstanın cənubunda,
Türkiyadan uzanıb gələn Ərzurum
dağlarıni, köskündə məskən
salmiş köyləri, meşələri,
dərələri qar basmişdi. Bizi Sibirə
sürgün ediyermişlər! (Ş.Adıgünli).
8. Qeyri-normal sıra;
xəbər c zərflik: Bu səs yayıldı
köyə (Ş.Adıgünli); Xizəklərdə
aşardux dağ aşşaği (G.Şahin)
və s.
Sonuncu iki cümlədə
köyə, dağ aşşaği zərflikləri
inversiya nəticəsində xəbərdən
sonra gəlmişdir.
İnversiya nəticəsində
həmcins zərfliklər cümlənin
sonunda işlənə bilir. Bu halla ən
çox şer dilində qarşılaşırıq.
Məsələn, Güləhməd
Şahinin «Babam diyardi ki» adlı
mənsur şerində belə cümlələr
çox işlənmişdir: Bağladilar
hər tərəfdən açılmiyan,
qırılmiyan, zencirlarnan yolumuzi, izimizi.
Məcbur oldux geca-gündüz. Vətəndən
düşdux ayrı, yürəkimiz daraldi.
Başxaları at oynadur yerimizdə, yurdumuza
(G.Şahin).
cümlədə
təyinin yeri. Axısqa türklərinin
dilinin cümlə sintaksisində təyinin
sırası da normal və qeyri-normal vəziyyətdə
ola bilir.
9. Normal sıra. Təyin
c mübtəda sırası: Bağbansız
bağ gül açmiyer (G.Şahin); Köti
hava düzəlür, köti insan düzəlməz;
Bu toprax Ana kimi ölməz bir varlux, təmüz
bir insan və dirillux rəmzi olan zəmzəm
suyidur (G.Şahin); Qara qüvvələr
qara niyyatlarına nail olsalar da, qaragünli cəməhətin
qəlbindən bir şey silinmədi (Ş.Adıgünli)
və s.
Təyinlərin sırasındakı
bu sabitlik ondan irəli gəlir ki, sırası
pozulan təyinlər isimlə ifadə
olunan başqa üzvlərin təyininə,
fellə ifadə olunan üzvün zərfliyinə
çevrilmək, həmçinin substantivləşərək
mübtəda və ya qeyri-müəyyən
vasitəsiz tamamlıq olmaq təhlükəsi
qarşısında qalar. Bu hal gözlənilmədikdə
inversiya hadisəsi baş verir, təyin qeyri-normal
sıraya keçir, yəni təyin etdiyi
sözdən sonra gəlir.
10. Qeyri-normal sıra.
Qucağıma alıb gizlatdım körpə
çocuğumi [70, 27.III.1992], Sibir savux, çocuxlar
körpə, hələ yaralari sağalmamiş
əlsiz-ayaxsızlar (Ş.Adıgünli).
Bu cümlələrin
birincisində «körpə çocux»
normal sıra olduğu halda, «çocuxlar
körpə», «Sibir savux» ifadələri
qeyri-normal sıraya aiddir. İnversiya nəticəsində
sonuncu iki ifadədə təyin etdiyi sözdən
(Sibir, körpə) sonra gələ bilmişdir.
Axısqa türklərinin
dilinin sintaktik quruluşunda diqqəti cəlb
edən əlamətlərdən biri
də idi hissəciyi ilə bitən cümlələrin
çox yayılmasıdır. Biz bu cəhəti
həmin əhalinin dilinin analitikliyə meyli
ilə əlaqələndiririk. Belə
ki, müasir Azərbaycan dilində «Ağlaşanlar
təkcə camaat deyildi» - cümləsi
onların dilində - «Ağlaşanlar
təkcə cəməhət dəgül
idi» şəklində öz ifadəsini
tapır. Azərbaycan dilində bu hissəciyin
qısaldılmış şəklindən,
Axısqa türklərinin dilində isə
bütöv formasından istifadə olunur.