Axısqa türklərinin zəngin tarixi, mədəniyyəti, hələ də öyrə1nilməmiş dili onun onomastikasında da qorunub saxlanılır. Onomastik leksika bu xalqın tarixini əks etdirən dəyərli bir fakt kimi onların orijinal tarixi coğrafiyasını, həmçinin insan obrazını, Vətən məfhumunu yaşadır. Bir sıra regionlarda məskunlaşmaları bu elin onomastikasına da öz təsirini göstərmişdir.