Axısqa türklərinin
təbabət tarixi yüzillərin sınağından
çıxmış və bu gün də
öz elmi-praktik əhəmiyyətini itirməmişdir.
Bu xalq təbabətə aid yüzlərlə
söz-termin yaratmış və indi də
ondan istifadə edir.
Terminoloji leksikanın
bir hissəsini də xalq təbabət
terminləri təşkil edir. Belə terminlər
elmi terminlərdən bəzi cəhətlərinə
görə fərqlənir. Xalq təbabəti
terminləri milli, müasir tibbi terminləri
isə beynəlxalq səciyyəlidir.
Xalq təbabəti
terminlərinin bir hissəsi xəstəlik
adlarıdır. Xəstəlik adları
həm insanlara, həm də heyvanlara aiddir:
a) İnsan xəstəliklərinin
adları: göti yara (rak), gitelə (qızılca),
mayasir (babasil), yilanjux (qızıl yel), dəmrəvi
(ekzema-dəri xəstəliyi), uyuz (qotur),
şiş (şiş), ağ (göz
qarasına düşən ağ ləkə),
gırıx (qırıq), çıxux
(çıxıq), yanux (yanıq) və
s.
b) Ev heyvanları xəstəliklərinin
adları: tabax (dabax), yanigara (azar, qırğın),
kuduz (quduz), gotur, qəjəvi (qotur), kəpənək
(plevropnevmoniya - ağ ciyərin iltihabı),
yağır (cidav - atlarda) və s.
Bu xəstəlik adlarından
dəmrov, qırıq, çıxıq,
yanıq, dabax, quduz, qotur, kəpənək,
cidav Azərbaycan xalq təbabətində
də işlədilir.
|